Ođđa jávkannjuolggadus skuvllas lea buoridan dan stuora jávkama Finnmárkkus, mii guhká lea leamaš statistihkalaččat heajumus oahppofylka. Jávkan njiejai 38 proseanttain diimmáža rájes.
Ođđa jávkannjuolggadus skuvllas lea buoridan dan stuora jávkama Finnmárkkus, mii guhká lea leamaš statistihkalaččat heajumus oahppofylka. Jávkan njiejai 38 proseanttain diimmáža rájes.
– Dát lea illudahtti go dakkár unna áššážis go jávkannjuolggadus lea, sáhttá leat nu stuora effeakta dasa gallis bohtet skuvlii. Mun sávan ahte dát čuohcá árvosániide ja čađaheapmái, lohká Finnmárkku Olgešbellodaga fylkkadiggeáirras Vetle Langedahl NRK:i.
Vuolemusas statistihkain
Finnmárku lea measta álo vuolemusas statistihkain ja dieđáhusain mat árvvoštallet joatkkaskuvllaid. Fylkka ohppiin leat heajumus árvosánit, eanemus jávkan skuvllas, ja jávkama dihte maid heajumus álbmotdearvvašvuohta.
Maŋŋel go jávkannjuolggadus doaibmagođii mannan čavčča, mas mearrádus lei ahte joatkkaskuvlla oahppit, geat jávket eanet go 10 proseantta, eai ge čájet duođaštusa, eai oaččo árvosáni.
Jávkan njiejai 38 proseanttain go buohtastahttá ovddit jagiin.
Ii duostta vuos beare haga illudit
Fylkkadiggebargoustit ja Bargiidbellodaga Tarjei Jensen Bech illuda daid buriid loguid ovddas, muhto ii duostta vuos albma ládje illudit.
– Dá leat dušše vuosttaš jahkebeali bohtosat. Mii fertet oaidnit movt logut leat go skuvlajahki loahpahuvvo, lohká son. (©NTB)
