Politiijat dieđihit Twitteris ahte lea leamaš oalle jaskat mannan ija Finnmárkkus.
Mannan ija, diibmu beal ovttas bissehedje Álttás geaidnopolitiijat muhtin albmá 50 jagiin. Almmái áššáduhttui juhkanvuođas vuodjimin ja sus ii lean maid vuodjinkoarta. Almmái dolvojuvvui várraiskkusidda ja politiijat čuovvolit ášši.
Golmma áigge ihkku fas šadde politiijat Álttás gohččut muhtin nuora eret gávpotguovddážis go muosehuhtii earáid muhtin olgobáikkis. Politiijat váidet albmá.
Doarrun
Ikte logi áigge eahkedis ožžo politiijat dieđu Báhcavuonas lei doarrun. 7-8 olbmo ledje doarrán muhtin olgobáikkis. Go politiijat jovde dohko ledje buohkat jo jávkkihan doppe eret. Dat gávccis gulle muhtin fatnasii mii lei das kaijas. Ii dieđihuvvon leat mihkkege billašuvvan ja iige oktage lean roasmmohuvvan doarruma geažil.
Vuodján badjelgeainnu
Rovdavuonas lei ikte eahkedis biila vuodján badjelgeainnu. Njeallje nuora ledje biillas. Ii oktage lean bahát roasmmohuvvon, muhto dolvojuvvo liikká doaktára lusa geahčadeapmái. Ii várohuvvo leat juhkanvuođas vuodján. Biila lei jorran gávvut ja ovdaglássa lei cuovkanan. Biilagádjunbilla vieččai biila. Politiijat ceggejit dás ášši.
Promilladárkkisteapmi
Muđui lea vel geaidnopolitiijat čađahan promilladárkkisteami Bossogohpi skuvlla bokte, 18 billavuoddji bissehuvvo. Ii ovttasge lean promilla.
Hámmárfeasttas maid čađahedje geaidnopolitiijat promilladárkkisteami Storsvingen bokte. Logi biilavuoddji bissehuvvo ja buohkat ledje lobálaččat vuodjimin.
