Mannan idja lea leamašan jaska politiijain Finnmárkkus, ii oktage dáhpáhus dieđihuvvon.
– Lea leamašan jaskes idja, ii leat okta diehtu twitteris. Mii sávvat ahte joatká nu dán vahkkoloahpa, lohká Finnmárkku politiija operašuvdnajođiheaddji Ann Rigmor Søderholm.
Biila gávdnon
Biila mii lei dieđihuvvon suoláduvvon Álttás duorastaga gávdnui bearjadateahket Leavnnjas. Politiijat válde gitta 30-jahkásaš albmá ja leat áššáiduhttán su biilasuoládeamis, dieđihii politiija twitteris bearjadaga diibmu 22.
