Eanandoallo- ja biebmoministtar ii jienát dál maide boazodoallolága rievdadanevttohussii. Dás ii leat ge sáhka dušše njuolggadusaid rievdadit boazodoallolága 60. paragráfii, muhto maiddái lasihit eambbo lađđasiid dan paragráfii.
Eanandoallo- ja biebmoministtar ii jienát dál maide boazodoallolága rievdadanevttohussii. Dás ii leat ge sáhka dušše njuolggadusaid rievdadit boazodoallolága 60. paragráfii, muhto maiddái lasihit eambbo lađđasiid dan paragráfii.
Dasa leat boahtán garra reakšuvnnat sihke Sámedikki ja boazodoalu politihkkariid bealis.
Ii kommentere
Eanandoallo – ja biebmodepartemeanta preassavákta čállá ahte ráđđádallančoahkkin lea ihttin ja čoahkkin lea ámmátdásis, nu ahte danne ii leat eanandoallo- ja biebmoministarii dál vuos áigeguovdil addit jearahallama dán áššis.
Ávviris lea ge dokumeanta dan bargui maid departemeanttas leat bargan ámmátdásis dasa mii guoská boazodoallolága 60. paragráfii.
Das boahtá ge ovdán, ahte Eanandoallo- ja biebmodepartemeanta lea ain dan oaivilis, ahte dakkár láhkafápmui lea atnu. Dan dokumeanttas daddjo ahte boazolohku Finnmárkkus lea buoremuttus dan dásis masa lea mearriduvvon. Danne oaidná ge departemeanta dehálažžan ahte ii okta ge šatta dál vuoitin jus lasihit boazologuid.
Oidnet dehálažžan eastadit
Departemeanta oainnu mielde lea ge dehálaš easttadit ja goazadit boazologuid laskamiid daid orohagain gos ii doaimma iešstivrejupmi.
Sii árvvoštallet ge muhtun guovlluin lea dárbu dákkár doaibmabijuide, ja danne sáhttá dáid áššiid čuovvolit fylkkamánni, ii ge boazodoallostivra.
Danne leat ge ságastallan ovdal čuovvovaš molssaeavttuid:
«1. Boazodoallostivra sáhttá, jus leat erenoamáš sivat, mearridit bajimus boazologu juohke siidaoassái.
2. Fylkkamánni sáhttá gáibidit ahte orohat mearrida bajimus boazologu juohke siidaoassái paragráfa 58 viđat lađđasa mielde.»
Dan oktavuođas čujuha ge departemeantta bealis nuppi čuoggái, ahte fylkkamánni galgá sáhttit juohkit boazologuid siidaosiide, go orohagas ii menestuva siskkáldasat mearridit boazologuid.
Šearbmagovva
Goalmmát evttohus
Eanandoallo- ja biebmodepartemeanttas leat maŋŋil vel fuobmán goalmmát evttohusa man birra šaddá ge ihtá ráđđádallamis maid ságasteapmi.
Dan oktavuođas daddjo departemeanta bealis hui áigeguovdilin ásahit maiddái ođđa lađđasa boazodoallolága 60. paragráfii máid jorgalat sámegillii ná:
«Fylkkamánni galgá erenoamáš ákkaid dihte mearridit bajimus boazologu juohke siidaoassái. Departemeanta sáhttá mearridit mot dákkár boazologumearrádus galgá dahkkot.
Siida sáhttá, maŋŋel go fylkkamánni lea mearridan vuosttaš lađđasa mielde, soahpat eará láhkái juohkit boazologu siskkobealde dan boazologu mii lea mearriduvvon doaibmanjuolggadusaiguin.»
Departemeanttas maid oidnet dehálažžan digaštallan dan birra ahte sáhttá go siida juohkit siidaosiide eará boazologuid ovttajienalaš mearrádusain dahje kvalitehtamearrádusain (2/3 mearrádusain) vai dušše simpal eanetloguin.
Preassagovva
Boazodoallostivra doahttala
Boazodoallustivrra jođiheaddji Lodve Solholm ii hálit kommenteret ihttá ráđđádallamiid, muhto lohká iežaset čuovvolit loahpalaš mearrádus nu mot eiseválddit dan mearridit.
– Mii leat buktán iežamet cealkámuša áššái dieđusge, dađi eambbo in hálit dahje sáhtte kommenteret ášši, lohká son.
