Sotnabeaivvi lei biilalihkohisvuohta Háhtas, Omasvuona suohkanis, Romssas.
Sotnabeaivvi lei biilalihkohisvuohta Háhtas, Omasvuona suohkanis, Romssas.
Guokte biilla beaškkehedje oktii E6 luotta alde, moadde kilomehtera davvelis Háhta gili. Oktiibuot čieža olbmo ledje dan guovtti biillas.
– Biillat beaškkehedje oktii, ja mii leat ožžon dieđu ahte golmmas dan nuppi biillas leat jápmán, logai Romssa politiijaid operašuvdnajođiheaddji Morten Augensen NRK:i.
Sii ledje buohkat gullevaččat Návvuona suohkanii, Davvi-Romsii. Badjelaš 60-jahkásaš bárra ja 80-ahkásaš nisu.
Sáddejuvvojedje UNN:i
Nuppi biillas ledje njealjis, dievdu, nisu ja guokte máná skuvlaagis. Sii sáddejuvvojedje helikopteriin Romssa Universitehtabuohccivissui.
– Buot njealjis leat stabiilat. Nisu gii lei lihkohisvuođas lea veaháš roasmmehuvvan, earát eai leat, lohká Augensen NRK:i.
