Okta olmmoš duššai mannan ija biilalihkohisvuođas Birtaváris, Gáivuonas.
Okta olmmoš duššai mannan ija biilalihkohisvuođas Birtaváris, Gáivuonas.
Lihkohisvuohta lei Isfjelltuneallas. Heahteveagat vulge álggos báikái go ledje ožžon dieđu suova birra njealji áigge disdaga čuovganeapmái.
Lihkohisvuohta galgá árabut dáhpáhuvvan. E6-luodda lea leamaš gitta dan rájes lihkohisvuohta lei.
– Mii leat tunealla siste ja dutkat báikki. In sáhte duođaštit gallis ledje biillas. In ge dieđe man guhká dáinna bargguin ádjánit, logai operašuvdnajođiheaddji Lennart Steffensen Romssa politiijaguovllus iđđes NTB:i.
Lihkohisvuođas galgá dušše okta biila leamaš.
Duššai
Disdaga ovdalgaskabeaivvi dieđihedje politiijat ahte lihkohisvuođas lei okta olmmoš, ja son duššai.
– Eat dieđe mii dagahii lihkohisvuođa, muhto biila lea vuodján tuneallaseainni njeaiga. Lei persovdnabiila, ja biillas lei okta olmmoš, lohká operašuvdna jođiheaddji Kåre Munkvold NTB:i.
Ii leat vel diehtu goas rahpet tunealla. Son gii duššai lei guovllu olmmoš.
(©NTB)