-Almmuhus-
-Almmuhus-
OĐĐASAT Jápminášši leamaš navdimis lihkuhisvuohta

Jápminášši leamaš navdimis lihkuhisvuohta

-

-

Rumašiskkadeapmi čájeha ahte jápminášši Leavnnjas leamaš navdimis leamaš lihkuhisvuohta, man politiijat dutke eahpideaddjin jápmimin.

Oarje-Finnmárkku politiijaguovlu álggii ikte dutkat ášši Porsáŋggus, maŋŋel go mannan sotnabeaivvi gávdne muhtin báikkálaš birrasii 50 jahkásaš albmá iežas láigovisttis Leavnnja guovddážis ja lei garrasit roasmmohuvvan.

 

Rumašiskkadeapmi

Almmái sáddejuvvui Tromssa Universitehta buohccivissui, muhto jámii maŋŋebárgga, navdimis go lei nu garrasit roasmmohuvvan.

Ikte váldui rumašiskkadeapmi albmás ja čájehuvvo ahte roasmmuhuvvan sáhttá leat geavvan lihkuhisvuođas.

 – Rumašiskkadeapmi čájeha ahte vahágat maid almmái lea ožžon, sáhttet boahttán lihkuhisvuođas. Ii oro nu ahte lea geavvan rihkkus vahágiid oktavuođas ja leat geahpedan dutkama rihkusáššin. Politiija joatká goittot dutkama, nu ahte mii albma láhkai sáhttit duođaštit siva roasmmohuvvamii, čállá Oarje-Finnmárkku Guovlluleansmánni Britt Solveig Olaussen preassadieđáhusas.

 

Eai háliit nama almmuhuvvot

Oapmahaččat eai sáva jápmán albmá nama álmmuhuvvot ja politiijat leat vuhtiiváldán dan.

 

 

 

- Advertisement -
-Almmuhus-