NRK Sápmi ja Ávvir leaba bivdán listtonjunnošiid geat oassálastet sámedikkeválggaide 2017, vástidit moadde gažaldaga iežas birra. Dá lea okta kandidáhtain:
Válgabiire: Nuortaguovlu
Bellodat: Ovddádusbellodat
Namma: Jan Henrik Fredriksen
Ahki: 60
Siviiladilli: Earránan
Eatnigiella/giella: Dárogiella
Beroštumit:
Makkár astoáigedoaimmat leat dus?
– Bivdu ja oaggun.
Mii lea dat stuorámus maid leat vásihan eallimis?
– Mu nieida.
Maid dagat go áiggut vuoiŋŋastit?
– Ruossalassánit.
Gii lea du stuorámus ovdagovva ja manne?
– Nelson Mandela.
Bargu ja oahppu
Maid don barggát dál ja makkár barggut leat dus ovdal leamašan? Makkár oahppu lea dus?
– Stuordiggeáirras maŋemus 12 jagi.
Politihkalaš duogáš
Makkár bellodagaid leat don ovddastan? Leatgo leamašan sámediggeáirras?
– 1999 rájes Ovddádusbellodat. In leamaš Sámedikkis.
Váibmoáššit
Makkár áššiide áiggut bidjat fokusa?
– Giella ja kultuvra.
Mii lea du mielas eanemus hástaleaddjin maid Sámediggi ferte čoavdit čuovvovaš áigodagas?
– Giella ja kultuvra.
Čilge manne/manne eai galggašii minerála- ja ruvkefitnodagat oažžut lobi ásahit ja álggahit doaimmaid sámi guovlluin?
– Ovdáneapmi ja bargosajit
Čilge doaibmá go dálá boazodoallopolitihkka vai ii. Mii šaddá deháleamos ášši mii guoská boazodollui čuovvovaš áigodagas?
– Dat doaibmá bures otne.
Eanandoallu, maid sáhttá Sámediggi dahkat sihkkarastin dihte ahte nuorat sáhttet joatkit/ álgit ealáhusain?
– Dan berre stáhta dahkat.
Mii lea dat stuorámus hástalus guolástanealáhusas Sámis? Maid sáhttá Sámediggi dahkat nu ahte dat unnimus doalut sáhttet birgejumi viežžat guolásteamis?
– Guolasteapmi ii leat goassige mannan buorebut.
Sámegielat, movt berre Sámediggi láhčit dili nu ahte nannejuvvojit čuovvovaš áigodagas?
– Vuoruhit daid.
Makkár ođđa bargosajiid lea dehálaš vuoruhit čuovvovaš áigodagas?
– Máŋgga suorggis.
Guhte ášši lea čuohcan dutnje eanemusat ja manne?
– Deanočázádat.
