-Almmuhus-
-Almmuhus-
-Almmuhus-
OĐĐASATJáhkket gása bávkkehan ja bullehan bartta

Jáhkket gása bávkkehan ja bullehan bartta

-

-

Riehpovuonávžžis Fálesnuori gielddas Oarje-Finnmárkkus bulii barta gutnan lávvordat čuovganeapmái.

Dát buollin dieđihuvvui politiijaide diibmu 01.26 bearjadat ija. Álttá buollinčáskadeaddjit vuoddjáje báikái, mii lea sullii guhtta miilla Álttás. Muhto barta ollii buollit gutnan ovdal go sii ollejedje.

Ii oktage roasmmehuvvan buollimis. Politiijat leat dál dutkame ášši.

 – Bartaeaiggát jáhkká ieš ahte gása dat bávkkehii barttas ja nu bullehii dan. Eaiggádat ledje dán guovllus ieža, muhto eai lean juste dalle bartta siste go buollái, muitala politiijaid operašunjođiheaddji Andreas Vesterhus Altapostenii.

Barta galgá leat Áisargoržži bartaguovllus.

-Almmuhus-