-Almmuhus-
OĐĐASATJagi leamaš sámegielaid hálddašanguovlun

Jagi leamaš sámegielaid hálddašanguovlun

-

-

Sámediggi bovde Plassej-ássiid muitalit sin vásáhusaid.

Sámedikki bajásšaddan-, fuolahus- ja oahppolávdegoddi vuolgá boahtte vahkkus lávdegoddemátkái Plassjii, dan oktavuođas go Røros lea dál jagi leamaš sámegielaid hálddašanguovlu.

Lávdegoddemátkis sii áigot geavahit guokte beaivvi čoahkkinasttit iešguđetlágan ásahusaiguin.

– Mii háliidit oahppat eambbo guovllu sámeservodaga ovdáneami birra, eandalit gullat sin vásáhusaid leat oassin sámegielaid hálddašanguovlun. Mii háliidit áinnas gullat ásahusaid vásáhusaid, sihke das mo lei ovdal ja maŋŋel go suohkan šattai oassin sámegielaid hálddašanguovlun, dadjá lávdegotti jođiheaddji Márjá-Liissá Partapuoli preassadieđáhusas.

 

Áigot gullát álbmoga vásáhusaid

Boahtte vahkku bovde lávdegoddi álbmoga rabas álbmotčoahkkimii mas fáddán lea «Jagi sámegielaid hálddašanguovllus».

Lávdegoddi ávžžuha álbmoga juogadit vásáhusaid ja hástalusaid.

– Mii illudit gulahallat álbmogiin ja gullat sin vásáhusaid leat oassin sámegielaid hálddašanguovlun. Leago sirdašupmi leamaš nugo lei vurdon? Mii lea rievdan? Maid livčče sávvan leat earaláganin? Midjiide lea gelddolaš gullat makkár ávki dás lea servodahkii, loahpaha lávdegotti jođiheaddji Márjá-Liissá Partapuoli.

-Almmuhus-