Stuoradikkis háliidit «Ja, vi elsker» Norgga nášunálalávllan 150 jagi maŋŋel go čállui.
Duorastaga doarjui Stuoradikki bearaš- ja kulturlávdegoddi Ovddádusbellodaga Morten Wolda evttohusa bidjat «Ja, vi elsker» Norgga almmolaš našunálalávllan, čállá NTB.
Dat galgá mearriduvvot Stuoradikkis juovlamánu 11. beaivvi.
– Mun lean ilus go buot bellodagat dorjo evttohusa. «Ja, vi elsker» lea lávlla man mii buohkat dovdat ja orru riekta formaliseret dan Stuoradikki mearrádusa bokte, dadjá Wold NTB:i.
Bjørnstjerne Bjørnson čálii lávlaga stuoradiggerahpamii 1859:s, muhto dat málle man mii dál dovdat, almmuhuvvui easka logi jagi maŋŋel.
