Dál lea Stáda luoddadoaimmahat viiddidan digitála bálvalusa go vuosttaš geardde diŋgot vuodjinkoartta.
– Vuosttaš beaivvi diŋgo sullii 60 proseantta ođđa vuddjiin vuodjinkoartta telefuvnna bokte. Dáinna leat mii duhtavaččat, dadjá Stáda luoddadoaimmahaga prošeaktavásttolaš Bujar Llukaj preassadieđáhusas.
Maŋŋel go leat nákcen iskosa, de sádde sensor bohtosa vuodjenkoartaregistarii ja nu sáddejuvvojit SMS bokte lihkkusávaldagat vuodjinkoartakandidáhttii. SMS:s oažžu maid dieđuid mo sáhttá diŋgot koartta neahta badjel. De ii dárbbaš čuožžut ráiddus vai beassá diŋgot vuodjinkoartta.
Lea maid hálbbit diŋgot vuosttaš vuodjinkoartta neahta badjel. Dábálaš haddi lea 320ru, muhto neahtas oaččut vuodjinkoartta 150 ruvdnui.
