Maŋŋebárgga eahket rahppui Isogaisa-festivála Loabágis, festivála gosa aktiivvalaččat servet sihke máŋggakultuvrrat sámi- ja internašunála kultuvra ja dáidda.
Ronald Kvernmo ja su bargit leat álo bidjan návccaid lágidit festivála mii lea šaddan oalle stuorisin Loabágii, siskkit Mátta-Romssas.
Vuosttas Isogaisa lágiduvvui 2010:s, dán jagi lágiduvvo dát čihččet geardde ja prográmmas leat máŋggalágan ja viiddis doalut.
– Olu guossit
– Máŋggalágan gávppit, muhtin seremoniijat, guoimmuheapmi, seminárat, logaldallamat ja ollu čáppa musihkka ja dánssat, dá lea maid Kvernmo namuha ja mainna čevllohallá.
Hoavda muittuhastá vel ahte doppe lea sihke muitalusat ja feara mii. Ieš ii hálit gal namuhit makkárge beaivvi erenoamážin, juohke beaivi lea erenomáš sisdoaluinis.
– Gehččiin ja eanaš olbmuin lea friddja vahkkoloahpaid ja dalle leat dábálaččat ollu guossit, nu maiddái Isogaisas, jáhkká son. Leamašan ollu guossit dan maŋimuš guhtta jagi.
Bargat buori miellalágiin
– Deháleamos lea ahte mii beassat bargat bures lágidemiin juohke jagi, ja ahte festivála čađahuvvo gárrenmirkkuid haga ja dan láhkái áigut mii joatkit, dasa bidjá Kvernmo deattu ahte festiválas lea seamma vuoigŋa čađat. Dán treandda áigu Isogaisa čuovvut ja ovddidit ain eanet, dál gal lea vuos dán láhkái hábmejuvvon ja lea rikkis sisdoaluin.
– Dieđusge bálkáhit mii muhtin logaldalliid ja artisttaid, čilge son.
– Lea maiddái dábálaččat jo Isogaissas ahte dohko ain guivása muhtin geas lea sihke miella ja hállu juoga bargat, ja dat lea midjiide hui somá, oaivvilda son.
– Muhto mis leat čađagaskka iešguđetlágan fáttát seahkálassii, muhto dát lea sámi festivála, deattuha son garrasit ja čilge sámi kultuvrra Isogaisa vugiin.
– Jus dadjá dán láhkái ahte bovdet gussiid iežas dállui, muitalit iežas birra, sii muitalit iežaset birra ja mii guldalat mii muitaluvvo, de duođaid dajan ahte lea dat nannoseamos sámi festivála mis, dan čuoččuha Isogaisa hoavda.
Álgoálbmotvuoigŋa
Jus jearrat lea go sámi vuoigŋa festiválas – dahje máŋga beaivvi vuoiŋŋalaš feasta dahje juoga dien láhkái, dadjá son.
– Álgoálbmogiid vuoigŋa, erenoamážit sámi vuoigŋa, ja mii lea dat sámi vuoigŋa? jearrá Kvernmo alddis.
– Ii leat álki oanehaččat čilget, muhto oaivvildan dán olus, mii hállat ustitvuođa birra, gierdevašvuođa ja geasuhit olbmuid min bargguin. Dasa lassin dohkkehit guđet guoibmásat, guldalit ja de gávdnat ovttalágánvuođa eará kultuvrrain, čilge son. Kvernmo ja Elena Röhse, gii lea maoriálbmot Ođđa Selánddas, soai čađaheigga eanaš oasi rahpandoaluin.
– Moai letne buoremus ustibat ja son han boahtá nuppe geahčen máilmmi. Min kultuvrras ja Maorikultuvrras lea máŋgga sajis eanet ovttaláganvuohta go erohus, dadjá son ja čilge ahte son fuobmá erenoamážit daid digaštallamiid ja háleštemiid káffebottuin Isogaisas.
– Dáppe deaivvadit, juhket káfe ja háleštit earáiguin. Dat lea erenoamáš dehálaš, loahpaha Kvernmo ovdal go doapmala rahpandoaluide dán jagáš Isogaisa festiválas mii lea Årbrekk nammasaš báikkis Loabágis.
– Bohtet Isogaisai – ii leat váralaš, lea su bovdehus buohkaide.
Ollu doaimmat
Festivála sisdoalus leat máŋggalágan doaimmat mánáide. Earet daid, de lea maiddái goahtekonsearta, oaffargeađggi lusa vázzin, márkanat sihke bearjadaga, lávvardaga ja sotnabeaivve, Giron Sámi teáhteris lea čájálmas ja máŋggalágan bargobájit singuin ovttas: Eirik Myrhaug, Erena Rhöse. Heidi Persdatter Greiner Haaker, Robert A. Vars Gaup, Eero Peltonen, Nadia Fenina, Inese Krumina ja Gil Silverbird.
Leat maiddái duodjebargobájit dávttis, livskkus ja náhkis, guollečuomas ja lieđđečatnamis. Arktihkalaš bargobádji gielddasámegiel dánssas, čottalávlumis, juigosis, runelávlagis, álbmotdánssas Dragistanas ja njuollabálkun aktivitehtas. Elin Kåven ovttas Espen Wensaas & Daniel Lazar, Ivan Matrekhin, ja Gil Silverbird lágidit konseartta. Maŋŋebárgga eahkedis rahppui Isogaisa festivála gos cahkkehedje Isogaisa-dola ja lei erenomáš miellaláhki rahpandoaluin birra dola lávus mii lei áibbas dievva.
Govven ja čállán: Yngve Paulsen
