Vásihit ahte olusat áiggošedje váldit drop-in iskosiid.
Romssa suohkan viiddida koronaiskanfálaldaga Mellomvegen 110:s ovttain beivviin. Dan dahket go vásihit ahte leat olusat geat áiggošedje váldit drop-in iskosiid, čállá Romssa suohkan preassadieđáhusas.
Dat mearkkaša ahte lea vejolašvuohta váldit drop-in iskosiid maiddái duorastaga, gaskal diibmu 09.00 ja 14.30, lassin bearjadahkii goas maid lea rabas.
– Mii oaidnit ahte olusat háliidit válddihit iskosiid ja dat lea hui buorre. Dál sávvamis šaddá vel álkit dan astat dahkat hohppos árgabeaivvis, dadjá koronaguovddáža ossodatjođiheaddji Per Harald Korsmo.
