-Almmuhus-
OĐĐASAT Iskka dálkki dáid basiid

Iskka dálkki dáid basiid

-

-

Arvi, biegga ja šlahtti lea Davvi-Norgga dálki juovlabasiid.

Dálki rievddada davimus oasis Norggas, ja dieđihuvvo olu arvi, šlahtti ja biegga stuora osiin Davvi-Norggas dáid juovlabasiid. Dat mielddisbuktá ahte siivu maid rievddada, lea diehtu maid Stáhta geaidnodoaimmahat lea almmuhan. 

Geaidnojohtolatguovddáš ávžžuha sin geat vánddardit biillain iskkat dálkedieđu ja čuovvut luoddadieđuid jus čavgeme guđege guvlui.

Geaidnojohtolatguovddáža neahttasiiddus leat álohii ođđaseamos dieđut. Iskka 175.no.

Máŋgga sajiin lea webkamera, ja das sáhttá geahččat movt johtolat orro, dálkki ja siivvu.

Norgga čázádat- ja energiijadirektoráhtas (NVE) lea maid ovttas Stáhta geaidnodoaimmahagain ja Meteorologalaš instituhtain neahttasiidu gos uđđasat dieđihuvvojit. Daid dieđuid gávnnat ges varsom.no siiddus.

- Advertisement -
-Almmuhus-