Beanabiilaboagán lei buot heajumus, ja ruovdebuvra buoremus beatnagii ja olbmuide.
Beanabiilaboagán lei buot heajumus, ja ruovdebuvra buoremus beatnagii ja olbmuide.
NAF lea iskan makkár boahkánat ja buvrrat beatnagiin galget biillat. Gávnnahedje ahte leat stuora erohusat, ja buvrras lea olu dadjamuš. Dan dieđihit preassadieđáhusas.
Geahččaledje 18 iešguđetlágan buktaga, ja girdet go jus biila beaškkeha nuppi njeaiga go lea 50 km/d leahttu. Iske maid olu boahkánat girdet.
Iske movt lihkadedje go buvrrat biillas nu ahte sáhttá beatnaga roasmmehuhttit ja rahpasa go nu ahte beana beassá olggos.
Ruovdebuvrrat buoremusat
Ruovdebuvra mii lea gitta biillas lea buot buoremus. Olles iskkadeami buoremus, Premium-Kennel buvra, gierddai oktiibeaškkeheami nu ahte ii billahuvvan ja nu ahte beana ii beassan olggos.
Plastihkka- ja ruovdeneahttabuvrrat eai lean liikká buorit. Dat buvrrat billahuvve, ja sáhttet roasmmehuhttit beatnaga.
Iskkadeami buot heajumusat ledje boahkánat.
– Dan njeallje heajumus boahkána eat ávžžut atnit biilas. Jus oktiibeaškkeheapmi dáhpáhuvvá dahje garrasit šaddá goazastit, de sáhttá beana boahtit stuora fámuin áimmu čađa, ja lea hirbmat várálaš olbmuide, lohká Nils Sødal NAF biilasearvvis.
Beana deaddá 1000 kilo
Vel dat buoremus boahkánat eai sihkkarastte beatnaga doarvái bures. Boagán fatná nu ahte beana sáhttá olahit olbmuid.
– Jurddaš mat jus beana deaddá 17 kilo, ja biila bisána roahttá 50 km/d leahtus. Oktiibeaškkeaheamis šaddá beatnaga deaddu lagabui 1000 kilo. Danne berre beatnaga sihkkarastit, ja maid eará luovos biergasiid biillas, lohká Sødal.
