Davvi-Hålogalándda Kirkens SOS lea čađaheamen iskosa mas bivdet veahki sámi álbmogis vástidit lea go dárbu dakkár heahtetelefuvdnii. Vástádusaid vuođul ásahit dahje eai ásat heahtetelefuvnna.
Davvi-Hålogalándda Kirkens SOS jođiheaddji Gry Heggås Jensen muitalii beannot vahku dás ovdalis ahte sii áigot jearrat sámi álbmogis lea go dárbu sámi heahtetelefuvdnii mii galggašii leat buohkaid várás, maiddái mánáide. Dat galggašii maid leat davvi-, julev-, máttasámegillii ja dárogillii.
Dál lea iskkadeapmi gárvvis ja dás sáhttá daid vástidit, iige dárbbaš iežas nama almmuhit, ii ge boađe oidnosii dán iskkadeamis.
https://www.kirkens-sos.no/artikkel/2020/undersøkelse-er-det-behov-for-krisetjeneste-på-samisk
dahje https://www.facebook.com/kirkenssostromso
– Livččiimet hui giitevaččat jus sámi álbmot sáhtášii vástidit lea go beroštupmi dákkár heahtetelefuvdnii. Livččen maid hui ilus jus cavgilivččet iežat oahppásiidda dán čállosa, lohká Davvi-Hålogalándda Kirkens SOS jođiheaddji Gry Heggås Jensen.
Ávvir čálii dán ášši birra: Ii gávdno heahtetelefovdna sámi mánáide.
