-Almmuhus-
-Almmuhus-
OĐĐASAT ISÁK konsearta ii šatta

ISÁK konsearta ii šatta

-

-

Riddu Riđđu dieđiha ahte ISÁK konsearta ii šatta. – Okta miellahttu ISÁK joavkkus leamaš girdis gos lea duođaštuvvon korona, čállá Riddu Riđđu preassadieđáhusas.

– Okta ISÁK joavkku miellahttu leamaš girdi mielde gos ovtta olbmos lea duođaštuvvon korona. Son lea dál erremis, čállá Riddu Riđđu preassadieđáhusastis. 

Dasto ii šatta odne ISÁK konsearta. 

– Buot artisttat mat galget dáppe lávdde ala leat čađahan iskosa, muhto jođánis-iskkus ii leat doarvái heaittihit errema. Jus errema galgá heaittihit, de gáibiduvvo PCR-iskkus. Mii šállošit hirbmosit.

ISÁK joavku cealká Riddu Riđđu gussiide dearvuođaid. 

– Mis lea duođaid váivi go eat beasa čuojahit njoammueastadannjuolggadusaid dihte. Dát han galggai leat geasi stuorámus vásáhus, ja danne sávvat ahte beassat eará háve máhccat Riddu Riđđui, celket ISÁK joavkkus.

Odne čuojahit Kalle Urheim ja Agnete. Agnete šaddá maŋimuš artista lávddis.

Odne leat guoktásis duođaštuvvon korona Riddu Riđus. Festivála joatká, muhto festivála čavge njoammueastadannjuolggadusaid. 

-Almmuhus-