-Almmuhus-
KULTUVRAISÁK ja Mari Boine Miniøya festiválii

ISÁK ja Mari Boine Miniøya festiválii

-

-

Lágideaddjit leat guhká niegadan oažžut sámi artistta iežaset lávddi ala.

Miessemánu 25. ja 26. beaivvi lágiduvvo Norgga stuorámus musihkka- ja kulturfestivála mánáide ja nuoraide oaivegávpogis, Oslos. 

Festiválas lea viiddis prográmma ja vurdet olu artisttaid.

 

Illudit ovdanbuktit sámi artisttaid

Earret eará boahtá ISÁK ja Mari Boine. ISÁK lea lávddi alde lávvordaga ja Boine fas sotnabeaivvi.

Ovdal Mari Boine luohtebottu galgá Mikkel Gaup liekkadit gehččiid.

– Mii háliidit ovdanbuktit viiddis máŋggabealatvuođa artisttain ja dáiddáriin Miniøyas, ja mun illudan erenoamážit ISÁK ja Mari Boine konsearttaide. Mii leat niegadan máŋga jagi ahte Mari Boine galggašii leat min plakáhtas ja dál galgá Mikkel Gaup vel liekkadit ovdal su! Dát šaddá magihkalaš konsearta ja geahččit sáhttet vuordit earenoamáš dáhpáhusa, dadjá Miniøya beaivválaš jođiheaddji, Henriette Larsen, preassadieđáhusas.

Oktiibuot vurdet birrasii 17 000 geahčči vahkkoloahpa.

-Almmuhus-