Ella Marie Hætta Isaksen vuittii Sámi Grand Prix 2016 lávlunoasi. Vuoiti ieš lohka ahte lea ipmirmeahttun dovdu, go son lea niegadan vuoitit dan rájes go lei nieiddaš. Geahča filmma vuollelis áššis!
Deanu nieida Ella Marie Hætta Isaksen vuittii dán jagaš Sámi Grand Prix lávlunoasi. Son vuitii “Luoddaearru” lávlagiin.
— Dá lea okta dain buoremus eahkedin mu eallimis! Mun in oba nagot ge ipmirdit.
Álo niegadan vuoitit
Vuoittu son háliida ávvudit iežas olbmaiguin ja bearrašin. Ella Marie muitala ahte son lea niegadan vuoitit Sámi Grand Prixa dan rájes go lei nieiddaš.
— Mun lean nu máŋgii leamaš dáppe Báktehárjjis geahččame iežan ovdagovaid, muitala lávlunoasi vuoiti.
Ii lean álggos beassan mielde
Ella Marie Hætta Isaksen ii lean álggos beassan mielde Sámi Grand Prixii. Maŋŋil go Irdon joavku geassádii de váljjejuvai son mielde.
Loga eambbo Sámi Grand Prix ságaid Ávvira bábiráviissas maŋŋil beassážiid.
