Duorastaga rájes ii čájet Instagram gallis leat deaddilan «like» olbmuid govaide moattii riikkas. Ulbmil lea «likes»-deattu jávkádit.
«likesaid» sajis boahta čuožžut geavaheaddjinamma ja «earát» leat liikon gova. Geavaheaddjit besset ain oaidnit gallis leat liikon gova maid ieš lea bidjan olggos. Dát lea geahččalanáigodat maid sisafievrridit Austrálias, Japanas, Italias Brasilas, Irlánddas ja New Zealanddas, dadjá Instagram BBC:ii.
Sii áigot geahččat beroštit go olbmot unnit «likesain» ja eambbo historjjá muitalit.
Kanada lei vuosttaš riika mii geahččalii ođđa árvalusa.
Dutkamat čájehit ahte dát hápmi sáhttá dagahit ahte olbmuin šaddá buoret iešdovdu, muhto sáhttá dagahit ahte sii geat eai oaččo nu olu «likesaid» šaddá heajut iešdovdu.
(@NTB)
