Gonagas ja dronnet giitaleigga Inga Johansdatter Turi Hætta su mávssolaš barggu ovddas sotnabeaiskuvlla ja girku ovddas Guovdageainnus.
Inga Johansdatter Turi Hætta lei duorastaga bovdejuvvon Gonagasa šlohttii dearvvahit gonagasa ja dronnega, dan oktavuođas go lea ožžon gonagasa ánsomedálja čakčat.
Inga lea 93-jahkásaš guovdageaidnulaš gii lea leamaš áŋgiris sotnabeaiskuvlaoahpaheaddji ja girku orgelčuojaheaddji.
Dál giitalii gongasbárra su dán buori barggu ovddas.
Inga Turi Hætta fárus lei su siessal Kristine Nystad.
Soai finaiga maid Norgga sotnabeaiskuvlla kantuvrras ságastallame generáláčálliin Gøran Bybergain.
Gonagas ja dronnet dearvvaheigga duorastaga 28 ođđa ánsumedálljavuoiti šloahtas, čállá Šloahtta.
