Muhtin 33 jahkásaš indialaš almmái gávdnui sotnabeaivvi jápmán lahka Alakurtti Ruoššas, birrasiid 70 kilomehter eret Suoma rájás. Almmái navdo galbmon jámas.
Muhtin 33 jahkásaš indialaš almmái gávdnui sotnabeaivvi jápmán lahka Alakurtti Ruoššas, birrasiid 70 kilomehter eret Suoma rájás. Almmái navdo galbmon jámas.
Almmái gávdnui jápmán sotnabeaiiđit. Son galgá leamašan muhtin biillas mii lei lahka Alakurtti Kolanjárggas, čállá The Independent Barents Observer.
Vihtta jándora galbmán
Alakurtti lea birrasiid 70 kilomehter eret suomarájás. Guovllus lea maŋimus beivviid leamaš hui buolaš, birrasiid 30 buolašceahkki.
Eisseválddiid dieđuid mielde galgá almmái leat čohkohallan biillas vihtta jándora, ođđajagimánu 12. beaivvi rájes, go lei vuordimin beassat Supmii.
Čalbmevihtanat muitalit oaidnán albmá doarggisteamen go lei nu galbmon, ii ge sáhttán oažžut veahki geasge go lei nohkkon ruhtii.
Eambbosat vuorddašeamen biillaid siste
Komsomolskaya Pravda dieđuid mielde leat eanet migrántat maiddái vuordán biillaid siste máŋga jándora buollašis, go eai hálit massit sajiideaset registreren- ja sisabeassanráiddus Supmii.
