– In mun gal dieđe, ferten lohkat Hans

1. Mii dalle dahkko go boazu rihttejuvvo?

– Na don čuohpat goruda osiide. Riekta!

2. Guđe jagi ledje Álttájoga stuimmit?

– Dan mun in gal dieđe, mun árvidan 1964. Boastut!

Rievttes vástádus: 1979

3. Mii lea dan bártni namma, gii lea Ronja olmmái Ronja Rievvárnieidda girjjis?

– In mun gal dieđe, ferten lohkat Hans. Boastut!

Rievttes vástádus: Birk

Go Sara ii vástidan riekta buot golbma gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Sara vállje alit ivnni, ja mii jearrat sus dán árvalusa:

Maid du mánát sáhttet dutnje addit, maid don ieš it sáhte alccet háhkat?

– In mun gal dieđe.

Rievttes vástádus: mánáidmánáid

Galle čuoggá oktiibuot: 1 čuokkis

Juohke gilvaleaddji beassá hástalit ođđa gilvaleaddji Ávvira geassegilvui. Piera Nijlas S. Sara hástala Lars Mihkkal Sara searvat gilvui.