– In mun de gal nagodan

1. Man guhká lea bussá čoavjjis?

 –Čoavjjis? Dat lea várra 12 vahku. Boastut!

Rievttes vástádus: Sullii 62 beaivvi.

2. Joatkke diidda: «Geas gáibi sakŋida…»

 – Naa, son lea máná vuordimin,Trosten dadjá ja boagusta.

 – Son gielista, dan mun dajan! Boastut!

Rievttes vástádus: «… son áigu borrat dakkár biepmu maid ii leat guhkes áigái beassan borrat.»

3.Galle geardde jagis lea sámi leavgga levgenbeaivi?

 – Dat lea várra guktii. Ii, logi geardde mun dajan. Boastut!

Rievttes vástádus: 5 geardde.

 – In mun de gal nagodan.

Go Trosten ii vástidan riekta buot golbma vuosttaš gažaldaga, de son ii mannan viidáset gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus dan vástida riekta de oažžu 15 čuoggá, alit árvalusas faske 10 čuoggá ja ruonás 5 čuoggá.

Trosten vállje alit ivnni, ja mii jearrat sus dán árvalusa:

Mii lea dát: Das leat hávit eambbo go beatnagis leat guolggat?

 – Hávit eambbo go? In dieđe. Dien gal mun in máhte.. Boastut!

Rievttes vástádus: Smáhkkomuorra.

Galle čuoggá oktiibuot: 0 čuoggá

Juohke gilvaleaddji beassá hástalit ođđa gilvaleaddji Ávvira geassegilvui. Hanne Sofie Trosten hástala May-Synnøve
Trostena searvat gilvui.