-Almmuhus-
-Almmuhus-
-Almmuhus-
OĐĐASAT– In livččii iežan luoitán viidáseappot

– In livččii iežan luoitán viidáseappot

-

-

Kevin Boine beasai viidáseappot Norske Talenter-gilvvus TV2:s ikte. Ieš ii lean gal veháge duhtavaš ráppemiin.

Ikte duorastaga lei deatnulaš/kárášjohkalaš Kevin André Boine (21) Norske Talenter gilvvus ráppeme lávlaga “Ale guođe mu”.

Duopmáriin ledje oalle iešguđetlágán oaivilat su ráppema birra. 

– In ipmir man birra ráppet, muhto dat lei nu buorre ahte dál lean mun nai “fansa” sámi rappas, dajai duopmár ja dánsejeaddji Suleman Malik (24).

 

Kevin Andre lasiha Ávvirii ahte Suleman dajai gal rievtti mielde son ii leat goassege liikon sámi musihkkii, muhto ahte dál son ráhkista dan.

Maiddái D.D.E vokalista Bjarne Brøndo (50) liikui Kevina ráppemii

– Dát lei superkomersiála, ja lei nu vuogas ahte dál máhtán mun nai sámegiela, árvalii son, muhto lasihii gal ahte Kevinis lea buoridanmunni lávlumis.

 

Garra moaitagat

Muhto son ii nagodan duopmára Mia Gundersena gal oažžut ođđa “fansan”. Ii son lohkan Kevina lávlut doarvái bures.

 – Energiija dáfus gahčat vehá, ja válddát oktavuođa gehččiiguin beare soaittáhagas, dajai son.

Ieš lea várra Kevin eanemus duhtameahttun ievttá lávlumiin, dahje lávlun lea gal báddejuvvon juo giđđadálvve.

 – In mun muitte nu olu das maid Mia Gundersen dajai dalle, muhto jus mun ieš livččen duopmár, in livčče gal luoitán viidáseappot. Ledjen beare balus.

Kevin Andrè Boine

 

 

Ekstrema čendis-dovdu

Dát sámi bárdni, gii dál bargá sveisejeaddjin Stordas, lohká bures dovdot juo lea oidnon TV:s ikte.

 – In lean jáhkkit ahte šaddá ná ekstrema. Telefuvdna čuodjá oppa áigge, ja ollusat, olu amas obmot maid, leat váldán oktavuođa, dadjá son Ávvirii.

 

“Ale guođe mu” lávlaga lea almmuhan Youtubes juo njukčamánu 30.beaivvi 2014. Son lea ieš čállán teavstta dasa. Šuoŋaide gal lea oastán rivttiid olgoriikkas.

 

GEAHČA VIDEO DÁS:

Video: TV2

Nubbi gilvu juo leamaš

Geassemánus báddejedje juo nuppi oasi gilvvus, ja dat lei maŋemus bádden ovdal go gilvvut leat njuolggosáddagis. Áidna maid sáhttá muitalit dan birra, lea ahte lea sullii seammalágán lávlla. Dasa lea Rolffa ráhkadan musihka, ja ieš lea čállán teavstta.

Dat lávlla ii leat goassege almmuhuvvon gostege.

 

Sávvá dál rahpasit uvssaid

Son lea 2010:s juo geahččalan Norske Talenter gilvui searvat, ja livččii mihttun ráhkadit skearru ja ollet guhkás musihkainis.

Vaikko son lea nuorta gánda, de gullo bures ahte lávlu oarjjabeali suopmanii.

 – Lea dušše šaddan nu áiggi mielde, nu ahte in leat fuobmán ge báljo, muhto mun liikon dasa. Dat vuohki várra heive buorebut ráppemii. Slincraze dat máhttá dien, ja lean gullan movt son ráppe, čilge Kevin Andre.

 

 

-Almmuhus-