-Almmuhus-
OĐĐASAT– In duostta einnostit maidege

– In duostta einnostit maidege

-

-

Porsáŋggu Olgešbellodaga válgagohccimis leat gealdagasas vuordimin válgabohtosiid.

– Lean issoras gealdagasas, in ge duostta einnostit maidege, dadjá Porsáŋggu Olgešbellodaga Jonas Sørum Nymo, guhte lea 3. evttohas.

 

Olgešbellodat ja Ovddádusbellodat leat čoahkkanan Åstedet olgobáikái Levdnjii, čuovvut válgabohtosiid. Nuppe beale geainnu, Bankers olgobáikkis ges lea Bargiidbellodat. 

Bargiidbellodaga válgagohccimis vuhtto mokta, doaivva ja iešdovdu, Olgešbellodaga bealde ges lea jaskadat.

– Na mii leat aitto joavdan deike, aitto geargan «standa» čorgemis. Mun persovnnalaččat lean mearredan ahte in áiggo doaivaga hukset menddo bajás, muhto in áiggo gal šlundát ge ovdalgihtii. Mus lea jáhkku, dan gal lea, dadjá Nymo.

-Almmuhus-