– In diehtán nie álki lei

1. Gos máilmmis šaddet eanemus šattut?

– Lea go kontineanta dahje riika? Ásia, dahje Kiinná. Riekta!

2. Gii lea Guovdageainnu a-joavkku hárjeheaddji?

– Guovdageainnu a-joavkku hárjeheaddji lea Isak Ole Hætta. Riekta!

3. Makkár fitnodaga eaiggáduššá Bill Gates?

– Hmm … Ferte leat Microsoft. Riekta!

1. Liigegažaldat: Mat leat dat golbma dehálepmosa maid dárbbašat go galggat ráhkadit marsipána?

– Melis … Mándel. Lei okta vel. Monnevielgadas. Riekta!

2. Liigegažaldat: Man lossadin sáhttá elefánta šaddat?

Telefovnna bokte gullojit olbmot hállamin duogážis man ollu sáhttá elefánta deaddit.

– Hm … Dajan 15 tonna. Boastut!

Rievttes vástádus: 10 tonna.

Ánne Máret ii máhttán nuppi liigegažaldaga. Son beassá liikká válljet árvádusaid maiguin sáhttá fasket 5,10, dahje 15 čuoggá. Dat lea dan duohken makkár ivnni vállje. Jus vástida riekta de oažžu: Rukses árvádus lea váddáseamos ja das oažžu 15 čuoggá, alit árvádusas 10 čuoggá, ja ruonás fas 5 čuoggá.

Sara vállje alit ivnni, ja mii jearrat sus dán árvádusa:

Movt sáhttá buksalumma leat guoros, muhto aŋkke lea juoga doppe?

– Buksalumma guorus, muhto aŋkke lea juoga doppe … Die lei váttes árvádus. Mun in dieđe mii vástádus sáhttá leat. Boastut!

Rievttes vástádus: Doppe lea ráigi.

Galle čuoggá oktiibuot: 4 čuoggá.

– Mu mielas manai bures, muhto in máhttán vástidit árvádusa. In diehtán lei nu álkes vástádus.

Ánne Máret Sara ii beasa šat hástalit ovttage searvat geassegilvui, go son lea dán jagi maŋemus geassegilvaleaddji.
 

Njunnošis: Aili Kristine Eira 22 čuoggáin.