-Almmuhus-
-Almmuhus-
-Almmuhus-
OĐĐASAT– In bora gal hevnniid dábálaččat

– In bora gal hevnniid dábálaččat

-

-

Kárášjohkalaš Aslak Ole Eira lea mielde dán jagáš NRK Tv-ráiddus «Norges tøffeste», gos gilvala šaddat Norgga čaffadeamosin. Geahča filmmaža:

– Ii leat nu ahte boran hevnniid dábálaččat, muhto mis lei čađat nealgi doppe ja go juo juste ledje báddeme mu go háleštan, ja bođii heavdni mu bajil, jurddašin das šaddá buorre TV. Doppe fertii dahkat veaháš ekstrema ja jallas daguid, ja go borren heavnni, de lei dat seammás psykendihte daid eará gilvaleddjiid, lohká Eira.

(Ášši joatká filmmáža vuolábealde)

 

Aslak er sulten!

Hva gjør man når man er sulten i Norges tøffeste? Jo, da spiser man det man finner i bunkeren.

Posted by Norges tøffeste NRK on 29. mars 2016

 

Soaittáhagas mielde

TV-ráidu lea báddejuvvon mannan čavčča ja Aslak Ole Eira muitala ahte lei hui soaittáhagas go juste son šattai mielde gilvui álgoálggus.

– Ledjen diibmá skuvllas skuvlaskihpáriiguin NRK neahttasiiddus go gávnnaimet almmuhusa gos ohce oasseváldiid ráidui. Mii devddiimet ja sáddiimet skoviid, ja de NRK:s válde muinna oktavuođa ja dáhtto deaivvadit. Maŋŋel de riŋgejedje munnje ja muitaledje ahte mun lean okta dan logi oasseváldis prográmmii, lohká Eira.

 

Vásáhus

Vaikko Eira, guhte dál vázzá čuoigansuorggi Ráissa joatkkaskuvllas, ii lean plánen searvat, de ii sáhttán šat geassádit go lei beassan mielde.

– Mun jurddašin go juo bessen mielde, de gal ferten čađahit ja dat gal lea leamaš somás vásáhussan.

 

(Ášši joatká gova vuolábealde)


Aslak Ole Eira lea okta dan logi oasseváldiin dán jagáš «Norges tøffeste» prográmmas. Preassagovva: Erlend Lånke Solbu / NRK

TV-beakkán

Eira lea čađat čiegadan ahte lea mielde TV-ráiddus, iige leat jurddašan nu ollu movt šaddá go ieš álgá oidnogoahtit TV:s.

– Lean smiehttan eanaš čuoigama birra dán dálvvi, muhto dál lean eanet álgán jurddašit movt galgá go olbmot dovdagohtet mu TV:s.

 

Garra dilli

«Norges tøffeste» lea prográmma mas nuorra olbmot ellet garra dilis ja gilvalit erenomáš gáibideaddji hástalusain. Jus galgá šaddat Norgga čaffadeamosin, de ferte eallit dan nammii ja leahkit garas.

Gilvvus lea uhcán buoredilli, heajos eallineavttut ja gilvaleaddjit fertejit čađat addit buot. TV-ráiddus leat guhtta prográmma, ja gilvvuin časkkáhallet oasseváldit dađi mielde olggos, dassái go loahpas dušše okta báhcá ja šaddá Norgga čaffadeamosin.

Gilvvus oassálastet dát:

Christine Rishaug (29), Caroline Willemine Hagelien (25), Karl Morgan Hegelstad (27), Fredrik Godager Eide (26), Mari Heksem Olsen (22), Kim Reier Martinsen (26), Nilab Ahmadi (19),  Jørgine Massa Vasstrand (26), Nikola Kovacevic (23) ja Aslak Ole Eira (20)

 

 

 

 

-Almmuhus-