Dutkit eai leat vel gávnnahan siva manne 42 beatnaga jápme diibmá, ja go 200 beatnaga buohcagohte varranaga luhčadávddain mannan čavčča.
Dál dieđihit ahte galgá vel eanet dutkat go veterinearaallaskuvla lea várren ruđa doavttergrádavirgái vai gávdnet vástádusaid. Fáhkka hemorágalaš luhčadávda-syndroma prošeakta galgá bistit golbma jagi, čállá Aftenposten.
Ohcet vástádusaid dutkama bokte
Dan 25 beatnagis, maid dárkkistedje, de gávdne 19 beatnagis Providencia alcalifaciens bakteriija. Dutkit lea dárkkisteame lea go dat bakteriija sivvan dahje váikkuhan beanajápmimiidda.
Veterinearainstituhta fágajođiheaddji Hannah Joan Jørgensen dadjá ahte aŋkke ii leat sihkar ahte dutkit gávnnahit guđe gos bakteriija lea vuolgán.
– Mii jáhkkit áiggi mielde sáhttit dadjat movt ja makkár dilis dat sáhttá billistit beatnaga čoliid, lohká Jørgensen.
– Sávvamis diehtit maid daid deháleamos gálduid bakteriijaide, gos dat leat ja dábálaččat leat, lohká son.
(©NTB)
