Dál lea 50 jagi golihan dan rájes go Stuoradiggi mearridii ásahit universitehta Davvi-Norgii, ja dan áigot ávvudit ávvudoaluiguin Romssas. Maiddái majestehtalaš gonagas Harald boahtá guossin.
Dál lea 50 jagi golihan dan rájes go Stuoradiggi mearridii ásahit universitehta Davvi-Norgii, ja dan áigot ávvudit ávvudoaluiguin Romssas. Maiddái majestehtalaš gonagas Harald boahtá guossin.
UiT Norgga árktalaš universitehta ávvuda 50 jagi doaimma čakčamánu 20. beaivvi Romssas.
Rabas doalut
– Mii ávvudit jagi ja čalmmustahttit min dehálaš rolla dutkamis, oahpahusas, innovašuvnnas ja ovdanbuktimis. Váldoávvudeapmi lágiduvvo seamma áiggi go dutkanbeaivvit lágiduvvojit miehtá Norgga, čállá universitehta preassadieđáhusas.
Majestehtalaš Gonagas searvá almmolaš ávvudoaluide čakčamánu 20. beaivvi go diibmu 13 čoagganit Labyrintenii. Ráđđehusa bealis lea stáhtaráđđi Iselin Nybø mielde. Doalut bistet sullii diimmu ja lea rabasin buohkaide.
Barget dan buot buoremusa
Majestehtalaš Gonagas ja bovdejuvvon guossit besset geahččat oasáža teáhterbihtás «Sykle i Snøstorm» (sámegillii: sihkkelastit muohtaborggas), mii lea teáhtera ávvuskeaŋkka UiT:i. Bihttá čájeha historjjá universitehta ja Davvi-Norgga birra.
– Lea stuora illu midjiide go gonagasas lea vejolašvuohta searvat dáidda almmolaš UiT 50 jagi ávvudoaluide. Mii galgat bargat dan buot buoremusa vai gonagassii báhcá buorren muitun ja somás beaivin minguin, lohká UiT Norgga árktalaš universitehta rektor Anne Husebekk.
