– Illudan buorebut oahpásnuvvat gielddain ja lean áibbas sihkar ahte dát lea miellagiddevaš virgi, dadjá Porsáŋggu gieldda ođđa bajásšaddan- ja kulturhoavda, Irmelin Klemetzen.
– Illudan buorebut oahpásnuvvat gielddain ja lean áibbas sihkar ahte dát lea miellagiddevaš virgi, dadjá Porsáŋggu gieldda ođđa bajásšaddan- ja kulturhoavda, Irmelin Klemetzen.
Ovddit vahkku álggii Irmelin Klemetzen virgái bajásšaddan- ja kulturhoavdan. Son lea oahppan oahpaheaddji, ja lea máŋga jagi bargan vuođđoskuvlla oahpaheaddjin. Maŋemus logi jagi lea son bargan Finnmárkku fylkkagieldda Oahpahusossodagas eksámen- ja dokumentašuvdnahoavdan.
Porsáŋggu gildii lea ovdamunnin go Klemetzen dovdá bures skuvllaid vuođđoskuvlla rájes joatkkaskuvlla rádjái.
Kulturealáhus dehálaš
Irmelin oaidná maid ahte Porsáŋggus lea ollu mii dáhpáhuvvá kulturealáhusas, mii maid lea dehálaš vai olbmot loktet ja ásset báikkis. Son galgá maid gárvet mastergráda Københámmanis almmolaš hálddašeamis. Dán dieđiha Porsáŋggu gielda ruovttusiiddus.
