Árborde dáhtu laktojuvvot sámegiela hálddašanguvlui.
Árborde dáhtu laktojuvvot sámegiela hálddašanguvlui.
Sámediggi lea ožžon illudahtti dieđu go Árborde suohkanstivra lea mearridan ohcat laktojuvvot sámegiela hálddašanguvlui.
— Mun lean movtta go politihkalaš jođiheaddjit Árbordes leat mearridan ohcat laktojuvvot sámegiela hálddašanguvlui. Dát nanne sámegiela, dadjá Sámedikki presideanta Aili Keskitalo preassadieđáhusas.
Sámegielaid hálddašanguovlu
Sámediggi juolluda guovttegielatvuođa ruđaid sámegiela hálddašanguovlluide, ja dat eaktuda ahte sámegiella ja dárogiella leaba ovttaárvosaš gielat gielddain. Sámegielaid hálddašanguovlluin galget ássit earret eará beassat gulahallat sámegillii almmolaš ásahusaiguin, suohkan galgá fuolahit ahte mánáidgárddit nannejit sámegielat mánáid giela ja kultuvrra ja ahte skuvllain geavahuvvo sámi oahppoplána. Báikkiin galget maiddái šiltet guovtti gillii.
Goalmmát mátta-Sámi gielda
Sámegielaid hálddašanguovllus leat oktiibuot logi gieldda, Árborde šaddá goalmmát sámi gieldan mátta-Sámis.
– Árborde suohkanstivra lea maiddái mearridan ahte juksan dihte daid mihttomeriid mat sávvojuvvojit sámegiela hálddašanguvlui laktima oktavuođas, lea eaktun ahte doaibmabijus livččii buorre faggi suohkana álbmoga gaskkas ja ahte dál ráhkaduvvošii plána diehtojuohkima, searvama ja miellaguottuid duddjojeaddji doaimma várás dan rádjai go loahpalaččat mearriduvvo giellahálddašanguvlui laktin, dieđiha Sámediggi preassadieđáhusas.
Lea gielda- ja ođasmahttindepartemeanta mii meannuda ja mearrida beassá go Árborde sámegielaid hálddašanguovlun.