-Almmuhus-
-Almmuhus-
-Almmuhus-
OĐĐASATIlluda go šaddá mearraluossa­bivdu

Illuda go šaddá mearraluossa­bivdu

-

-

Sámediggepresideanta Silje Karine Muotka lea geahpádusas maŋŋel go regulerenevttohus, mii bissehivččii buot Finnmárkku mearraluossabivddu, hilgojuvvo. Su mielas lea illudahtti go mearraluossabivdu joatkašuvvá osiin Finnmárkkus, muhto su mielas lea šállošahtti go buot návccat eai beasa searvat ruoššaluosa jávkadeapmái.

Sámedikkis ja Dálkkádat- ja birasdepartemeanttas leat dán giđa leamaš ollu konsultašuvdnačoahkkimat 2023 luossabivdoreguleremiid birra.

Go sámediggepresideanta Silje Karine Muotka (NSR) ja dálkkádat- ja birasministtar Espen Barth Eide (Bb) deaivvadeigga mannan bearjadaga, de sohppojuvvui ahte mearraluossabivdu joatkašuvvá nu go Sámediggi ja Finnmárkku mearraluossabivdit ledje ovdagihtii gáibidan. Bealit eai olahan ovttaoaivilvuođa das ahte galget go mearraluossabivdit, giddejuvvon guovlluin, maiddái beassat searvat ruoššaluosa jávkadanbargui.

– Mu mielas galggašii sáhttit buot návccaid ja báikkálaš resurssaid atnit dan dehálaš barggus, dadjá Muotka.

Loga maid:
Šaddá dábálaš mearraluossa­bivdu Finn­márkkus 2023 geasi, oktan ruošša­luosa oasse­sálašiin

Fuolas

Sámediggepresideanta dovddahii čoahkkimis stáhtaráđđái ahte lea fuolas mearraluossabivddu dihte go ealáhus vásiha garra deattu ja lea jávkame.

– Mii fertet gávdnat buoret čovdosiid ja eará lahkoneami dasa movt bajásšaddi sámi buolvvat galget oažžut oktavuođa iežaset lagasguovlluid riggodagaide. Mii fertet ođđasit hukset min kollektiivvalaš oktavuođa lussii. Dán proseassas lea erenoamáš dehálaš ahte mánát ja nuorat besset leat oassin dan dehálaš kulturárbbis ja das mii guoská luossabivdovieruide buot sámi guovlluin, dadjá Muotka.

-Almmuhus-