-Almmuhus-
OĐĐASATIlluda go dál šaddet 11 Sámi suohkana

Illuda go dál šaddet 11 Sámi suohkana

Journalista

-

-

Suoidnemánu 1. beaivvi rájes gullá vel okta gielda sámegiela hálddašanguvlui.

Sámediggeráđđi Lars Filip Paulsen lea hui ilus go Aarporte gielda háliida leat mielde ovddideame ja ovdánahttime lullisámi giela. 

– Suohkanat ja fylkkasuohkanat leat muhtimat Sámedikki deháleamos ovttasbargoguimmiiguin go lea sáhka seailluhit ja ovddidit sámi giela. Mii leat danin hui ilus go Aarporte gielda lea sisačálihuvvon goalmmát lullisámi gieldan ja dan bokte váldá ovddasvástádusa das ahte sámi giella galgá leat ealli giella maiddái boahtteáiggis, lohká son preassadieđáhusa bokte.

 

– Mearkkašupmi boahtteáigái

Sámedikkis ja hálddašangielddain lea ovttasbargošiehtadus mat sáhttet váikkuhit buori gulahallamii ja ovttasbargui sámi giela ektui. 

– Das maid odne vállje, lea mearkkašupmi sámi gielaid boahtteáigái, lohká ráđđelahttu Lars Filip Paulsen. 

Hálddašangielddain leat sámegiella ja dárogiella ovttadássásaš gielat.

–Dat mearkkaša ahte buohkain lea riekti oažžut bálvalusaid sámegillii go váldet oktavuođa gielddain dahje eará almmolaš etáhtaiguin, lohká sámediggeráđđi Lars Filip Paulsen preassadieđáhusas.

Ovdalaččas leat Guovdageaidnu, Kárášjohka, Deatnu, Unjárga, Porsáŋgu, Gáivuotna, Loabát, Divttasvuotna, Snåasa ja Ravrvihken sámegiela hálddašanguovllus.

 

-Almmuhus-