Ovddeš Eurohpámeašttir Ole-Herman Hage Sjøgren illuda gilvalit Norggameašttirgilvvuin Kárášjogas. Dás oainnát geat dán rádjái leat dieđihan gilvvuide.
Ovddeš Eurohpámeašttir Ole-Herman Hage Sjøgren illuda gilvalit Norggameašttirgilvvuin Kárášjogas. Dás oainnát geat dán rádjái leat dieđihan gilvvuide.
Ole-Herman Hage Sjøgren šattai Eurohpámeašttirin jagi 2015:s.
Son ii leat vel šaddan oaidnit olles bána maid Kárášjoga eaktodáhtolaččat leat bargan.
– Muhto orru hui buorre, muitala Sjøgren.
Vuosttaš gilvu dán jagi
Dá lea Sjøgren vuosttaš gilvu dán jagi.
– Danin šaddá hui gelddolaš. Jáhkán dat šaddá hui buorre vuodjit ja illudan boahtit johtui fas, gilvališgoahtit fas, muitala Sjøgren.
Ulbmil vuoitit
Sjøgren muitala sus lea ulbmiliin alo vuoitit gilvalemiin.
– Lea hui olu buori gilvaleaddjit geat bohtet dán jagi, danin šaddá gelddolaš, dadjá Sjøgren.
Máŋgii gilvalan Kárášjogas
Sjøgren muitala son lea máŋgii ovdal Kárášjogas gilvalan.
– Mii han leat dáppe juohke jagi ja gilvalat Karacrossenis, muhto dán bána alde in leat ovdal vuoddján, loahpaha Sjøgren.
Dieđihanáigi, beassat oasálastit, dán jagáš gilvvuide lea loahpahuvvomin, dat lea diibmu 16.00 odne ja jus dan maŋŋá vel áigot dieđihit vuodjimiidda de lea das áigemearri diibmu 18.00 odne.
Dás vuolábealde beasat oaidnit geat leat dieđihan mielde gilvvuide, ja makkár gilvvuide:
Jostein Biti ja Ole Martin Hætta Guovdageainnus eret maiddái leaba dieđihan mielde maŋŋel go dát listtut almmohuvvo.
Soai oasálastiba Pro Stock ja Supercross gilvvuide.
Loga eambbo Kárášjoga mohtorsearvvi facebook siidus.
