-Almmuhus-
-Almmuhus-
KULTUVRA Ijahis ija konserta sádde­juvvo neahta bokte

Ijahis ija konserta sádde­juvvo neahta bokte

-

-

Ijahis idja eamiálbmogiid musihkkadáhpáhus lea lágiduvvon Anáris 2004 rájes, muhto dán jagi šaddá erenomáš festivála go čájehit neahta bokte konseartta. 

Ijahis idja -festivála konsearta sáddejuvvo njuolggosáttan gaskkamuttos borgemánu Anáris, sámekulturguovddáš Sajosis. Konseartasáddaga sáhttet olbmot čuovvut  nuvttá. Báikái gos konserttat leat eai beasa olbmot.

Konsearttas leat  rap-artista Ailu Valle, Gájanas-joavku,  juoigi Iŋgá-Máret Gaup-Juuso ja Juha Tornensis.

Čájehit doarjja

Ijahis idja-festivála čájeha maid doarjaga Giehtaruohttasa guvlui gos ruvkeindustriija ohcagoahtá minerálaid. 

– Ijahis idja-festivála háliida čájehit iežas doarjaga Giehtaruohttasa guovllu árbevirolaš geavaheddjiide ja dadjat ovttas «eai fal ruvkedoaimmat Sápmái». Temákonsearttas juoigaba Iŋgá-Máret Gaup-Juuso ja Juha Tornensis. Dasa lassin gullat olbmuid, geat barget árbevirolaš ealáhusaiguin guovllus.

Nu čállá Ijahis idja sin neahttasiiddus. 

- Advertisement -
-Almmuhus-