-Almmuhus-
OĐĐASATIi vuoitán, muhto oaččui gutni

Ii vuoitán, muhto oaččui gutni

-

-

«Melkeveien» TV prográmma mii diibmá sáddejuvvui NRK:as, oaččui gutnálaš máinnašumi Northern Character gaskkariikkalaš filbma- ja TV-feastiválas.

Ikte loahpahuvvui dat gavccát gaskkariikkalaš filbma- ja TV-feastivála «Northern Character» Murmanskas Ruoššas, doaluiguin ja bálkášužijuohkimiiguin.

Feastiválas ledje maiddái Davvi-Norgalaš buvttadeamit mielde, muhto eai ožžon nu ollu bálkkašumiid go diibmá.

 

Nubbin diploma

«Hele verden i en designskole» (Freedom From Choice AB og SVT, Sverige) šattai buoremus TV-prográmma.

Dán kategoriijas oaččui «Melkeveien» prográmma, maid Elle Marja Eira ja Samuel Frode Grønmo leaba ráhkadan NRK Sápmi ovddas gutnálaš máinnašumi, ja prográmma oaččui nubbin diploma.

 

Oaččui bálkkašumi

Buoremus govvejeaddji bálkkašumi oaččui Christine Reeh filmmas «The Chronicles Of Polyaris», maid Original Film Romssas lea buvttadan.

Kulturprográmma vuoitti «Vasilij Erosjenko. Veien til sola» maid ruoššalaš Catherine Dorofeeva lea rešisseren.

Gutnálaš máinnašumi, ja vuosttaš diploma kulturkategoriijas oaččui Áltálačča Kristin Nicolaysena «Con Amore» .

 


Christine Reeh oačču buoremus govvejeaddji bálkkašumi. Govven: Northern Character

 

”Northern Characters”s Grand Prix oaččui «Det russiske nords Atlantis» maid Sofia Gorlenko lea ráhkadan. Buoremus dokumentara šattai «Kamtsjatka – helbred for hat» maid Julia Mironova lea rešisseren.

 

Golmma feastiválabeaivvis leat leamaš fágalaš seminárat ja kreatiivvalaš deaivvadeamit gaskkal filbmadáhkkit miehta Barentsguovllu. Feastivála jahkásaš digaštallanforumas lei dán jagi bajilčála «galbma soahti galbma máilmmis». Vuolggasadji digaštallamii lei journalistihka rolla diehtojuohkinsoađis mii lea čuvvon dan galbma oktavuođa gaskkal Nuortta ja Oarjji, ja dan birra ahte gaskka gaskkal oarjemáilmmi ja Ruošša journalistihka lassána.

 


Feastivála loahpahandoaluin. Govven: Northern Character

 

 

Das oainnat buot bálkkašumi vuittiid Northern Character filbmafeastiválas:

 

-Almmuhus-