Brasiila eamiálbmogiin lea leamaš doaivva buoridit diliset maŋŋá go Brasiila prsideantaválggaid vuittii Luiz Inacio Lula da Silva. Dál sii leat eahpásihkkarat.
Loahpageahčen golgotmánu 2022 nuppi válggavuorus vuittii presideantagičču Luiz Inacio Lula da Silva. Válgagiččus son lohpidii earet eará ásahit sierra departemeantta eamiálbmotáššiid olis. Dál lea rievdadan iežas oainnu ja arvvoštallá baicce ossodaga ásahit, čállá Reuters.
Dan birra son dajai mannan vahku, bearjadaga. Brasiila ođđa válljejuvvon áigumušat suhttadit eamiálbmogiid ovddasteddjiid.
Dehálaš 900 duháha olbmui
APIB joavkku ovdaolmmoš, Sonia Guajajara, guhte lea Brasiila kongreassaáirras, oaivvilda ahte sierra departemeanta livččii dehálaš.
– Departeamanta lea dehálaš historjjálaš dohkkeheamis 900 duháha eamiálbmoga geat olbmo Brasiilas, ja buhtadan dihtii vahágiid ja masson eanarivttiid dihtii, lohká son Reutersii.
Eamiálbmogat leat massán olu rivttiid eatnamiidda Jair Bolsonaro presideanta-áigodagas guhte vuoittáhalai dál Luiz Inacio Lula da Silvai. Silva váldá badjelasas Brasiila presideantabarggu ođđajagemánu vuosttaš beaivvi rájes, boahtte jagi.