-Almmuhus-
-Almmuhus-
-Almmuhus-
OĐĐASATIi servodat birge eallilan olbmuid haga 

Ii servodat birge eallilan olbmuid haga 

-

-

– Jus galgat nagodit fállat daid seamma fálaldagaid maidda norgalaččat leat hárjánan, de  fertet mii oažžut gaskal 55- ja 70-jahkásaš olbmuid bissut barggus guhká, lohká NHO hálddahus direktevra Kristin Krohn Devold.

Senter for seniorpolitikk (Seniorpolitihka guovddáš) lei bálkáhan OsloMet dutki Anne Grethe Solberg čállit dutkanraportta mo badjel 55-jahkásaččat vásihit ohcat ođđa barggu. NRK Helgemorgen jearahalai Solberga su raportta almmuheami oktavuođas ja maiddái hálddahuslaš Næringslivets Hovedorganisasjon (NHO) direktevrra  Kristin Krohn Devold (61).

Krohn Devold lohká dehálamosin leat ahte bargoaddit áddejit ahte dál geahppánit Norggas 300 000 bargonávccalaš bargi ja 700 000 lávkejit ealáhahkii.

– Jus galgat nagodit fállat daid seamma fálaldagaid maidda norgalaččat leat hárjánan, de fertet mii oažžut gaskal 55- ja 70-jahkásaš olbmuid bissut barggus guhká, lohká NHO hálddahuslaš direktevra Kristin Krohn Devold, čállá Senter for seniorpolitikk.

Krohn Devold  muitala ahte nu lea maid dilli Oarje-Eurohpás, iige leat dušše vieččastit bargiid eará riikkain šat. Muitala NHO miellahttofitnodagat muitalit ahte sin luohttevaš váldoolbmot leat badjel 70 jagi boarrásat. Dasa lassin lea  boarrásat bargiin uhcit buozalmasjávkan go bargiin geain leat mánát mánáidgárddis.

– Lea heggeš myhta ahte mii fertet čáhkket sajit nuoraide go cealkit eret badjel 60-jahkásašččaid. Bargoaddi ii nagot čoavdit buot bargguid jus dušše virgádit gaskal 20- ja 50-jahkásaš olbmuid, lohká Kristin Krohn Devold ja lasiha: 

– Headhunterat berrešedje maid veahkehit rávis bargiid gávdnat ođđa barggu. Boarrásat gearddis lea buorre váikkuheapmi nuoraide, go sis lea buorre morála ja barget buori barggu, lohká NHO Reiseliv hálddahuslaš direktevra Kristin Krohn Devold.

-Almmuhus-