Liigefylkadiggečoahkkin, mii lea dieđihuvvon leat miessemánu 15. beaivvi, ii šatta.
Liigefylkadiggečoahkkin, mii lea dieđihuvvon leat miessemánu 15. beaivvi, ii šatta.
Lei Olgešbellodaga joavkojođiheaddji, Jo Inge Hesjevik, gii su bellodaga ja Gurutbellodaga, Risttalaš álbmotbellodaga, Ovddádusbellodaga ja MDG bellodaga ovddas bivddii ahte čoahkkin ii lágiduvvo, go álbmotjienasteami boađus ii olle čielgat miessemánu 15. beaivái.
Šluhttejit gáibiduvvon čoahkkima
Lea Finnmárkku fylkkasátnejođiheaddji Tarjei Jensen Bech gii duođašta ahte Fylkadiggi lea maŋiduvvon. Lea Fylkadikki vuostebealli mii lei gáibidan liigečoahkkima miessemánu 15. beaivvi.
Maŋŋel go čielggai ahte posišuvdnabealli ii áiggo nammadit oktasašlávdegotti miessemánu 15. beaivvi čoahkkimii, de siđai Hesjevik maid šluhttet čoahkkima dan ákkastallama vuođul.
Fylkadiggečoahkkin geassemánu 20. ja 21. beaivvi lágiduvvo Álttás nu go lea plánejuvvon.
