-Almmuhus-
OĐĐASATIi šatta bargoheaitta NRK:s

Ii šatta bargoheaitta NRK:s

-

-

Ii šatta bargoheaitta NRK:s, go lea ovttaoaivilvuohta bálkášiehtadallamis.

Mannan ija lei áigemearri gávdnat čovdosiid maid sáhttet dohkkehit, muhto fertejedje badjel 12 diimmu eanet áiggi geavahit šiehtadallamiidda.

Jus ii livčče šaddan oktasaš čoavddus, de livčče 2385 fertet čađahit bargoheaitaga, mii livččii čuohcat sihke radio- ja TV-sáddagiidda.

 

Gávdne buriid čovdosiid

Norgga journalistasearvi muitala ožžon 13 000 ruvnno juohkehažžii, ruđa mainna njulgejit bálkkáid ja doarjaga eará guovddáš gáibádusaide. Ii okta ge galgga oažžut unnit go 2,1 proseantta bálkálasáhusa. Sis geain unnimus bálká lea galget oažžut 20 000 ruvnno lassin, ja lea várrejuvvon sierra ruhta mainna galget njulget bálkáerohusaid NRK:s. Hehttehuslasáhus stuorru, ja bargit galget oažžu bálkká go barget sosiála mediain friddjaáiggis.

– Mii leat ilus go leat nagodan oažžut sosiála profiila bálkášiehtadallamiin go lea njulgenruhta mii dovdo, muitala šiehtadallanjođiheaddji ja Norgga journalistasearvvi jođiheaddji Richard Aune.

 

Gáibidahkes šiehtadallamat

Bargoaddiidsearvvi Spekter direktevra Anne-Kari Bratten lohká leamaš hirbmat gáibidahkes šiehtadallamiid.

– Loahpas oaččuimet sin ipmirdit ahte bálkálasáhusat fertejit leat siskkobealde njunušfágaid rámmaid. Dohko lei guhkes mátki, muitala son NTB:i. (©NTB)

-Almmuhus-