-Almmuhus-
-Almmuhus-
OĐĐASAT Ii šat lohpi vánddar­dit daid lottiid bisánan­báikái

Ii šat lohpi vánddar­dit daid lottiid bisánan­báikái

-

-

Gielddus lea lávvordaga miessemánu 1. beaivvi rájes gitta geassemánu 15. beavvi rádjái. 

– Giljobaš lea hirbmat hearki buotlágán muosehuhttimii dán áigodagas. Lea dehálaš ahte giljobaš beassá ráfis leahkit ja vuoiŋŋastit ovdal go monnegoahtá, vai eambbo giljobaččat šaddet, lohká Birasdirektoráhta direktevra Ellen Hambro preassadieđáhusas.

Suddjen dihte áitojuvvon giljobaččaid lea Birasdirektoráhtta bidjan gildosa vánddardit Rørholmen nammasaš guovllus, Álttá suohkanis. 

Maŋemus jagiid leat gitta logi giljobačča bisánan Rørholmen guvlui, ovdal go girdilit viidáseappot monnenbáikái. 

-Almmuhus-