Bearjadaga dopme turisttat gizzut Australia bivnnuheamos várrái, Uluru, go dat lei maŋemus beaivi go lei vejolaš dan dahkat.
Uluru várri lea Australia eamiálbmoga, aborigiinnaid, bassivárri ja lávvardaga bođiige gizzungealddus. Várri Uluru lea maiddái dovddus dego Ayers Rock, go lea dego rukses jiehtanas Australia dulbes eanadagas. Várri lea bassivárri aborigiinnaide, muhto dat lea maid Australias dovddus turisttabáiki, dieđiha NTB.
Aborigiinnat leat guhkitáigge rahčan oažžut gizzungildosa sin bassivárrái. Sii leat dál viimmat ožžon sin gáibádusa dohkkehuvvot ja golggotmánu 26. beaivve ásahuvvui bistevaš gizzungielddus. Vaikke basseváris lea gizzungielddus, de ávžžuha goit Australia turisttaeiseválddi olbmuid galledit guovllu ja geahččat bassevári. (©NTB)
