Vuosttaš jahkebealis leat čieža olbmo jápmán johtolatlihkohisvuođain Davvi-Norggas, mii lea seamma lohku go diibmá seamma áiggis.
Oktiibuot guhtta lihkohisvuođa gos njealjis masse heakkas Nordlánddas, okta Romssas ja okta Finnmárkkus.
Golmmas dain geat masse heakkaset ledje biilavuoddjit, okta lei mielčuovvu, okta sihkkelasti ja guovttis ges vujiiga mohtorsihkkelin.
– Lihkohisvuohtastatistihka mielde dáhpáhuvvet eanemus lihkohisvuođat geasset, ja nu ávžžuhan olbmuid leat diđolaččat johtolagas vai buohkat oččoše buoremus vejolaš geasi, dadjá Stáda geaidnodoaimmahaga regiovnnahoavda Turid Stubø Johnsen.
