– Olgešbellodat almmuha ođđa gelbbolašvuođaođastusa ja ulbmil dainna lea ahte ii oktage galgga mannat olggos dáhtonis Norggas. Norgga bargoeallimis galgá leat sadji juohkehažžii, muitala stádaministtar ja Olgešbellodaga jođiheaddji, Erna Solberg.
– Olgešbellodat almmuha ođđa gelbbolašvuođaođastusa ja ulbmil dainna lea ahte ii oktage galgga mannat olggos dáhtonis Norggas. Norgga bargoeallimis galgá leat sadji juohkehažžii, muitala stádaministtar ja Olgešbellodaga jođiheaddji, Erna Solberg.
Sullii 400 000 norgalaččas váilu vuođđomáhtt lohkamis ja vel oallugin váilu lohkoipmárdusas vuođđomáhttu, ja olles 800 000 olbmos váilu IKT-máhttovuođđu.
Bargomárkanis gáibiduvvo eambbo gelbbolašvuohta, ja sis geain váilu vuođđomáhttu leat hearkkibut bargomárkanis.
Dát lea duogáš manne Olgešbellodat almmuha gelbbolašvuođaođastusa «Læringsløftet».
Ođđa vejolašvuođat
– Olgešbellodat háliidivččii ahte servvodagas galggašii juohkehaš gii dárbbaša oažžut ođđa vejolašvuođa. Danin mii buktit ovdan gelbbolašvuođapolitihkkaplána boahtte áigodahkii. Mii fertet sihkkarastit ahte juohke ovtta gelbbolašvuohta čuovvu ođđa teknologiija, automatiserema ja digitaliserema ovdáneami, joatká Solberg.
Boahtteáiggi bargomárkan
Lea olu maid mii eat dieđe boahtteáiggi bargomárkana birra. Muhtoe mii diehtit ahte ferte šaddat eambbo ruonán, jierbmábun ja hutkábun. Mii diehtit rievdadeamit bohtet jođánit eai boađe gávdnot nu olu barggut sidjiide geain ii leat oahppu. Olgešbellodaga ođđa gelbbolašvuođaođastusas leat logi konkrehta čuoggá.
– Ođđa bálkkašanortnet fitnodagaide mat investerejit bargiide, eambbo doarjja vuođđomáhttui, lohpádus fidnooahpuide ja joatkkaohppui bargoeallimis leat oasit ođđa gelbbolašvuođaođastusas. Mii fertet sihkkarastit ahte juohke ovttas lea dat máhttu mii dárbbašuvvo váldit oasi Norgga bargoeallimis, muitala Olgešbellodaga nubbijođiheaddji, Bent Høie.
Olgešbellodaga gelbbolašpáhkka:
1. OĐĐA BÁLKKAŠANORTNET FITNODAGAIDE MAT INVESTEREJIT BARGIIDE:
Álggahit ođđa ortnega mas lea gelbbolašvuođagávnnus mii čuovvu vearrogávnnu modealla. Vearrogávdnu adda fitnodagaide vearrogeasu go investerejit dutkámii ja ovdáneapmái. Gelbbolašvuođagávdnu bálkkaha fitnodagaid mat investerejit bargiid máhttui.
2. KÁRTENRIEVTTIT:
Ásahit automáhtalaš vuođđomáhtu kártenfálaldaga nu go lohkan ja čállin, mii lea sidjiide geain ii leat bargu.
3. EAMBBO DOARJJA VUOĐĐOMÁHTTUI:
Lasihit ruhtadoarjaga daidda fitnodagaide mat addet oahpahusa bargiide geat dárbbašit vuođđomáhtu lohkamis, čállimis, rehkenastimis, njálmmálaš hupmamis ja IKT:s, ja veahkehit sin geat fertejit oahppat dárogiela.
4. MOBILISERET EAKTODÁHTOLAŠVUOĐA:
Addit eaktodáhtolaš organisašuvnnaide lassi doarjaga vai besset addit lohkan-, čállin-, rehkenastin- njálmmálaš hupman-, IKT- ja dárogieloahpahusa sidjiide geat dárbbašit dan.
5. NANNET RÁĐĐEADDIMA JA KARRIEARABAGADUSA:
Hukset Romsii bálvalusa gos fállet bargo- ja karriearabagadusaid, ja čatnat karriearabagadusa suohkaniidda ja skuvlla ráđđehusbálvalusa.
6. NANU OVTTASBARGU:
Ovttasbargat bargoeallima beliiguin vai ollašuvvet Našuvnnalaš Gelbbolašvuođapolitihka strategiija ambišuvnnat.
7. NANNET DIGITÁLA MÁHTUID:
Nannet digitála gelbbolašvuođa buot osiin bargoeallimis.
8. LOKTET FIDNOOAHPU:
Čátnat fidnooahpu ja bargoeallima, vai fágaoahppu nannejuvvo.
9. OĐĐA ORTNET VAI RÁVISOLBMOT OŽŽOT FÁGAREIVVE:
Ásahit ortnega «Fágareive barggus». Ulbmil ortnegiin lea addit eambbosiidda vejolašvuođa váldit fágareivve maŋŋel go leat ožžon oahpahusa ja bagadusa bargosajis.
10. JOATKKAOAHPPU BARGOEALLIMIS:
Ovttasbargat allaskuvllain, universitehtain ja fágaskuvllain vai bohtet eambbo joatkkaoahppolágideamit bargoeallima oktavuođas, ja kombineret NAV skuvlavázzimiin.
