Buot pasieantat Davvi Dearvvašvuođadoaimmahagas galget beassat oaidnit iežas buohcciviessojournála neahta bokte.
Buot pasieantat Davvi Dearvvašvuođadoaimmahagas galget beassat oaidnit iežas buohcciviessojournála neahta bokte.
Pasieantat geat leat beassan iežas journála lohkat interneahta bokte leat hui duhtavaččat, ja sii ipmirdit eanaš oasi mii journálas čuožžu. Nu čájeha iskkadeapmi maid leat čađahan geahččalanortnegiin.
Davvi dearvvašvuođadoaimmahat galgá addit vejolašvuođa buohkaide geat leat badjel 16 jagi oaidnit iežas buohcciviessojournála našunála dearvvašvuođaportála helsenorge.no neahttasiiddus. Dán rádjái leat geahččalan dán ortnega Davvi-Norgga universitehtabuohcciviesus ja leat birrasiid 500 pasieanta leamaš mielde iskosis.
Buorre ipmárdus
Eanaš oassi iskosis ipmirdit bures mii čuožžu sin journálas. 91% ipmirdedje measta buot maid lohke iežas journálas. 51% mielas lei váttis ipmirdit muhtin medisiinnalaš sániid ja doahpagiid.
Viiddidit bálvalusa 2016:s
Bálvalus viiddiduvvo boahtte jagis nu ahte pasieantat besset ieža oaidnit, rievdadit dahje cealkit eret šiehtaduvvon áiggi mii lea buohcciviesus. Galgá maid šaddat gulahallančoavddus mas pasieanta beassá váldit oktavuođa buohcciviesuin elektrovnnalaččat. Dán čállá Davvi Dearvvašvuođadoaimmahat neahttasiiddus.
