Oljo- ja energiijadepartemeanta ii mieđit ahte ođđa oljobohkanlobit Barentsábis rihkkot vuođđolága, nu go Greenpeace ja Natur og Ungdom čuoččuhit váidagis stáda vuostá.
Oljo- ja energiijadepartemeanta ii mieđit ahte ođđa oljobohkanlobit Barentsábis rihkkot vuođđolága, nu go Greenpeace ja Natur og Ungdom čuoččuhit váidagis stáda vuostá.
Duogáš váidagii lea ahte birasorganisašuvnnat oaivvildit ahte oljobohkanlobit 23. konsešuvdnavuorus rihkkot Vuođđolága paragráfa 112, mas čuožžu ahte stáhta galgá gáhttet luonddu ja birrasa boahttevaš buolvvaide.
– Konsešuvdna lea addon Stuoradikki stuora eanetloguin. Dat lea čuvvon lágaid ja njuolggadusaid, dadjá Oljo- ja energiijadepartemeantta diehtojuohkinhoavda Ole Berthelsen cealkámušas.
Son oaivvilda ahte oljobohkanlohpi lea addon ásahuvvon doaimma vuođul, mii lea viiddis gelbbolašvuođas dahkkon vuđolaš ja demokráhtalaš proseassas. (©NTB)
