-Almmuhus-
SMÁVVAOĐĐASATOhcan 83 mil­jovnna easta­deaddji ja riido­váidudeaddji doaibma­bijuide

Ohcan 83 mil­jovnna easta­deaddji ja riido­váidudeaddji doaibma­bijuide

-

-

Oktiibuot 83 miljovnna kruvnna lea ohccojuvvon eastadeaddji ja riidováidudeaddji doaibmabijuide. Regiovdna lea ožžon 14 miljovnna, juoga mii lea 500 000 kruvnna unnit go 2022:s.

– Mii leat ožžon olu ohcamušaid, ja leat ohccojuvvon stuorra supmit dán jagáš eastadeaddji ja riidováidudeaddji (ERD) doaibmabijuide.  Mii leat ožžon mealgat unnit ruđa go dat mii lea ohccojuvvon. Mii fertet danne vuoruhit iešguđet doaibmabijuid gaskka, čállá Romssa ja Finnmárkku stáhtahálddašeaddji preassadieđáhusas.  

Stáhtahálddašeaddji muitala viidásabbot ahte sii dán jagi meannudit ERD-ohcamušaid 2023 njukčamánu mielde. Eanaš lohpádusreivvet sáddejuvvojit danne ovdal beassážiid.

– Mii vuoruhit álggos sin geat ožžot ruđaid. Máŋgasat boazodoalus leat jo álggahan doaibmabijuid maid ohcet, dadjá Romssa ja Finnmárkku stáhtahálddašeaddji.

Biehttalusat sáddejuvvojit maŋŋá go lohpádusreivvet leat sáddejuvvon. Biehttalusat sáddejuvvojit jáhkkimis maŋŋá beassážiid. Romssa ja Finnmárkku stáhtahálddašeaddji ávžžuha váldit singuin oktavuođa  jus ležžet gažaldagat.

-Almmuhus-