Go Kim Anders Vuolab oaččui iežas bivttasmearkka moarsistis Anne Biret Antis, de ii lean vuordán ahte lei nu ollu bargu leahkit bivttashábmejeaddji.
Go Kim Anders Vuolab oaččui iežas bivttasmearkka moarsistis Anne Biret Antis, de ii lean vuordán ahte lei nu ollu bargu leahkit bivttashábmejeaddji.
Kim Vuolab, gii lea Riddu Riđđu feastivála márkaniin vuohččan almmuheame iežas biktasiid maid lea gohčodan «Kimbanti», muitala son lea ollu čuvvodan iežas bivttas hábmejeaddji moarsis mielde feara gos ja lei eanaš oaidnán dan hearvás beali leahkit bivttashábmejeaddjin.
– Ovdal ledjen dušše leamaš «Catwalkas» mielde, ja jurddašin lea dušše tevdnestit movt áigu biktasa ja sáddestit dan sisa fabrihkkii, lohká son.
Dál son lea eará oainnu ožžon bivttashábmejeaddjii bargui.
– Dál go ieš gárten bivttashábmejeaddjin, de lean vásihan man ollu bargu lea juohke diŋggain. Lean fitnan fabrihkas ja dušše dan njealji T-báidái maid lean hábmen, de lea leamaš ollu bargu, muitala Vuolab.
Buot ferte smiehttat
Son muitala dain T-báiddiin ferte olles báiddis hutkat buot.
Son lohká fertet diehtit movt sávnnjit galget, makkár sávnnjit, makkár ja man ollu árppuin galgá gorrot, movt galgá čeabet, ja nu ain.
– De ferte geahččaladdat báiddi, leago vuogas ja doibmet go dat čovdosat maid lean válljen, nu ahte lean veaháš hirpmahuvvon man stuora bargu dat lea, lohká son.
(Ášši joatká gova vuolábealde)
Sápmelaš goruda mielde
Vuolab muitala maid ahte sturrodagaid biktasiin ferte smiehttat.
– Mu T-báiddiin leat ráhkaduvvon stuorrodagat mu goruda mielde. Dat lea heivehuvvon sápmelačča gorutmálle mielde, mii ii leat guhkki ja seaggi, muhto veahá govddit ja oaneheappo, reašká son.
Ii ballán barggus
Vaikko Vuolab ii leat gal dan dihte balddáskan barggus, de ii lean jurddašan ahte galgá šaddat bivttas hábmejeaddjin.
Su duogáš ii leat juste maid čatná bivttashábmeneaddji bargui.
– In lean goassige jáhkkán ahte galggan šaddat bivttashábmejeaddjin, go mun barggan beaivválaččat dihtoralmmain Sámedikkis, bohkosa son.
Ođđa biktasiid hutkame
– Muhto mun lean, nu movt Anne Biret láve lohkat, hutkái ja kreatiiva. Bivttasmearka, «Kimbanti», lea jurddašuvvon ahte galgá leahkit veaháš eanet nuoraide ja dievdoolbmuide, lohká Kim Anders Vuolab.
Dál son lea juo maid hutkame ráhkadit «jeansaid» ja «hettebáiddiid», ja lohká diehtit ahte váldá áiggi ovdal dat leat válbmasat vuovdemassi,
